Li Hesekê ji bo bîranîna şehîdan şevbuhêrka helbestan  

Li bajarê Hesekê bi beşarbûna bi dehan rewşenbîr û helbestvanan şevbuhêrka helbestan bi navê "Şehîd û Helbest" hate organîzekirin.

Yekitiya Rewşenbîrên Rojavayê Kurdistanê ya şaxê Hesekê di bin navê "Şehîd û Helbest" de şevbuhêrkek helbestan li dar xist. Şevbuhêrk ji bo bîranîna şehîdan û piştevaniya QSD‘ê li xwaringeha Lewend a taxa Til Hecer hate lidarxistin. Bi dehan rewşenbîrên ji herêmên Bakur û Rojhilatê Sûriyê di nav de 11 helbestvanên di şevbuhêrkê de amade bûn.

Helbestvanên tev li şevbuhêrkê bûn "Ehmed El-Huseyînî, Zekeriya Efrîn, Feyrûz Reşik, Luqman Ebdulrehman, Mihemed Bîco, Merwan Şêxo, Meryem Temir, Munîr Xelef, Henaa Dawud, Luqman Osman û Hozan Kergundî".

Her helbestvanekî 3 helbest xwedin, pirniya helbestan girêdayî şehîdan û berxwedana şervanan û şêniyan her wiha bandora neyinî ya şer li gelê Sûriyê xwendin.

ANHA

 


Mijarên Din