Li Izmîrê erdhejeke din pêk hat

Erdhejeke nû îro li herêma Seqrî Hesar ya girêdayî wîlayeta Izmîrê li rojavayê Tirkiyê pêk hat. Hejmara windahiyên canî di erdheja duh de gihaşt 25 mirî û 804 birîndaran.

Rêveberiya Karasat û Rewşên Awarte ya Tirkiyê AFAD ragihand ku erdhej di saet 08:31`an li gorî  dema Tirkiyê li hemberî berava Seferî Hesarê li deryaya Îce pêk hatiye û destnîşan kir ku li gorî daneyan kûrahiya erdhejê gihîşt 7,33 km.  

AFAD`ê bi daxuyaniyekê da zanîn ku ew herêma ku erdhej lê çêbûye saet 04:00 erdhejeke din çêbûye.

Hikumeta Tirkiyê îro danê sibê ragihand ku hejmara kesên ku di erdheja Izmîrê de jiyana xwe ji dest dane gihaşt 25 kesan û kesên ku birîndar bûne jî 804 kes in.


Mijarên Din