Li Kerkûkê di navbera çete û gundiyan de şer çêbû

Duh bi şev agir bi zeviyên cotkarên Kurd ên li navçeya Daqoqê ket. Piştî wê xelkê gundê Heftexarî yê navçeya Daqoqê êrîşî çeteyan kir û di encamê de şer rû da.

Duh bi şev li gundê Heftexarî yê navçeya Daqoqa ya Kerkûkê, agir bi zeviyên cotkarên Kurd ket.

Rojnewsê daxuyand ku şêniyê gundê Heftexar û cîgirê malbenda duyemîn a YNK’ê Îdrîs Adil axivî û wiha got: “Piştî ku agir bi dexl û danê cotkarên Kurd ket, niştecihên gund jî êrîşî çeteyên DAIŞ’ê yên li Dola Heme kir. Çeteyan jî bersiva gundiyan da û di encamê de şer rû da. Şer zêdetirî 20 deqeyan dewam kir. Piştî wê çete bi paşve kişiyan.”

Îdrîs Adil di dewamê de got zêdetirî 100 donim zeviyên cotkarên Kurd şewitî.


Mijarên Din