Li Kobanê pêşengeha pirtûkan hate vekirin

Li bajarê Kobanê pêşengeha pirtûkan ku desteya Çand û Hunerê ya herêma Firatê birêve dibe, hate vekirin.

 Dehan rewşenbîr û siyasetmedar serdana ewyana Firat anku cihê pêşengehê kirin. 

Di vekirina pêşengehê de hevserokê meclisa rêveber a herêma Firatê Enwer Mislim, endamên rêveberiyê di saziyên sivîl, dehan nûnerên partiyên siyasî yên Kurd û dehan rewşenbîran amade bûn.

Di pêşengeha ku îro dest pê kir, 4 hezar pirtûkên cur be cur ji herêmî, romanan, helbest, çîrokên cîhanî ku wergera wê ji zimanên Erebî, Kurdî, Suranî û Tirkî hatine kirin, hatin pêşandan

Beşdaran pirtûk ji pirtûkxaneya Yekitiya Rewşenbîran a Kobanê, pirtûkxaneya Benderok a Qamişlo, pirtûkxaneya Rodî û Perwînê ya Kobanê, pirtûkxaneya Yekitiya Rewşenbîran Rojava, pirtûkxaneya Findê ya pirtûkan, pêşengeha Efrînê ya pirtûkan û pêşengeha Minbic a pirtûkan, anîn û di pêşengehê de, dane pêşandan.

Di şahiya vekirinê de, Hevserokê desteya Çand û Hunerê a Bakurê û Rojhilatê Sûriyê Ebdullsetar Şîkaxo axivî û îşaret bi rojla rewşenbîran û nivîskaran di avakirina kesayetan de kir.

Pêşengeh heta saetên êvarê roja înê dewam dike, tê payîn ku semînerên li ser girîngiya xwendinê di pêşengê de bê dayîn.

(jo)

ANHA


Mijarên Din