NÛÇEYÊN LEZGÎN! Li Minbicê şer rû dide

Li Kobanê stadeke futbolê tê ava kirin

Desteya Rêveberiya Herêmî û Şaredariyan a Herêma Firatê bi hevkariya Desteya Ciwan û Werzîşê dest bi avakirina stadeke futbolê kirin.

Beriya hefteyekê, desteya Rêveberiya Herêmî û Şaredariyan a Herêma Firatê bi hevkariya Desteya Ciwan û Werzîşê dest bi projeyeke sporê mezin a avakirina stada futbolê kir. 

Li bajarê Kobanê 2 stadên ne aktîv hene e, ji ber ne başiya wê gelek lîstikvan birîndar bûn.

Stadên li bajêr biçûk û nabe ku turnoveyên fermî tê de çêbibin, ji ber biçûkbûna stadê divê di serê her tîmekê 6 kes bilîzin û lîstikgehên fermî hejmara lîstikvanên her tîmekê 11 kes in.

Hevserokê Desteya Ciwan û Werzîşê Bozan Berkel diyar kir ku deste plan dike, stadeke bi dirêjiya 150 û firehî 70 metre ava bike.  

Her wiha 74 holên din taybet ji bo Taykwendo, werzîşa bedenê û lîstikên din ên sporê ava dike.

Berkel diyar kir ku tê payîn proje salekê bi dawî bibe.

(jo)

ANHA


Mijarên Din