Li Lubnanê 4‘ê Nîsanê hate pîrozkirin

Rojbûna Rêberê Gelê Kurd Abdullah Ocalan bi şahiyekê û çandina daran li herêma Bişamon a Lubnanê hate pîrozkkirin.

Şahî Ii kolana Medaris a herêma Bişamon hat lidarxistin. Bi sedan kurdên li Lubnanê û dostê wê beşdarî şahiyê bûn.

Şahî bi deqeya rêzgirtin dest pê kir. Paşê bi navê nûnertiya Rêveberiya Xweseriya Demokratîk li Lubnanê Ebdulselam Ehmed, bi navê TEV-DEM Îbarhîm Hesen û bi navê Kongreya Star Fîdan Seydo axivîn. Di axaftinan de rojbûna Rêberê Gelê Kurd li gelê Kurd, gelê azadîxwaz û malbatên şehîdan hate pîrozkirin û Ocalan bi pexemberî aştî û azadiyê bi nav kirin.

Kesên axivîn berxwedana çalakgerên grevên birçîbûnê pîroz kirin û bang li civaka navdewletî kirin ku tecrîda li dijî Ocalan rake û jiyana çalakgerên înqaz bikin.

Paşê koma Welatê Rojê ya stranan, Koma Şehîd Îlan û Koma Şehîd Bêrîtan dîlan û stran pêşkêş kirin.

Di dawiya şahiyê de dar hatin çandin.

ANHA


Mijarên Din