Li Minbicê ji bo du şehîdan merasîmek hate lidarxistin

Bi sedan şêniyên bajarê Minbic û gundewarên wê cenazeyê şervanê QSD`ê  Mihemed Hisên El-Casim (Mihemem Minbic) spartin axê û ji bo şehîd Berq Ebdulfetah Hezûrî (Firat Minbicê) merasîmê xiyabî pêk hat.

Şervanên Hêzên Sûriya Demokratîk (QSD) Mihemed Husên (Mihemed Minbic) û Ebdulfetah Hezûrî (Firat Minbic), 7`ê Mijdarê di Berxwedana Rûmetê de şehîd bûn.

Bi sedan şêniyên bajarê Minbicê cenazeyê şehîd Mihemed Husên (Mihemed Minbic) ji pêşiya nexweşxaneya Firat wergirtin û bi karwanekî ber bi Goristana Şehîdan a li başûrê bajarê Minbicê ve ketin rê. Girseya gel alên Meclîsa Leşkerî ya Minbicê û wêneyên şehîdan hilgirtibûn.

Li goristanê merasîm bi deqeyeke rêzgirtinê û turoneke leşkerî ji aliyê şervanên Meclîsa Leşkerî ya Minbicê ve destpê kir. Paşê gelek axaftin hatin kirin. Li ser navê Meclîsa Leşkerî ya Minbicê fermandar Ebdulrehman El-Benawî, li ser navê Meclîsa Malbatên Şehîdan hevseroka meclîsê Henadî Mihemed û li ser navê Rêveberiya Sivîl a Demokratîk a Minbicê û gondewarên wê endamê dîwana Meclîsa Zagonsaz Cumaa axivîn û sersaxî ji malbatên şehîdan re xwestin.

di axaftina de hat destnîşankirin ku``şehîdan bi xwîna xwe yê pîroz axa welêt avdane û xak û rûmeta xwe parastine.``

Axaftvanan got "şehîdan ji bo pêkanîna jiyana hevbeş û bi rûmet a şêniyan fedakarî dane, darê azadiyê avdane û rêya me ronahî kirine.``

Paşê endama Meclîsa Malbatên Şehîdan wesîqeya herdu şehîdan xwendin û radestî malbatê hate kirin. Di nava tilîliyên dayikan û dilsoziya bi şehîdan re cenazeyê Şehîd Mihemed Husên El-Cesim hate veşartin.

(rr)

ANHA


Mijarên Din