Li Minbicê ji bo malbatên şehîdan çalakeyek hate lidarxistin

Komîteya Çand û Huner a Minbicê ji bo malbatên şehîdan çalakiyek çandî, hunerî û werzîşê li dar xist.

Çalakî li dibistana pîşeyî bi deqeyek rêzgirtin destpê kir. Piştre cîgira hevserokatiya Komîteya Çand û Hunerê Zeyneb Hemo axivî û bê xêr hatine malbatan kir.

Zeyneb wiha got:  "Çiqas em bixebitin em nikarin tam mafên şehîdan bidin. Şehîdan  ji bo rizgarkirina ax ji terora DAIŞ`ê canê xwe feda kirin."

Di nav axaftina xwe de Zeyneb destnîşan kir ku şehadet nirxa mirovahiyê ya herî bilind e.

Piştre hunermend Ridwan El-Îsa stranên ji folklore Helebê gotin. Koma çand û hunerê ya şanoyê, şanoyek bi navnîşan "Dayîka Sûriyê" ku balê dikşîne ser rewşa Sûriyê di şer de û rola şehîdan pêşkêş kir.

Zarokên kluba Ebû Eyûb a werzîşa teykwendo berhemên xwe pêşkêş kirin.

Çalakî bi strana hunermend Ridwan El-Îsa bi navê "ûriyê ya hemûyan e" bi dawî bû.

(şx)
ANHA


Mijarên Din