Li Minbicê ji bo zarokên şehîdan şahî

Meclisa Malbatên Şehîdan bi boneya têkçûna DAIŞ`ê şahiyek ji malbatên şehîdan re li dar xist.

Şahî li hola El-Beraêm a bajêr hat lidarxistin. Cihê şahiyê bi alên Meclisa Malbatên Şehîdan hatibû xemilandin. Bi sedan malbatên şehîdan, endamên komîte û saziyên girêdayî Rêveberiya Sivîl a Demokratîk a Minbicê û gundewarê wê, endamên Partiya Pêşerojê ya Sûriyê, Partiya Nûjen û Demokratîk û Hevbendiya Niştîmaniya Demokratîk a Sûriyê tevlî şahiyê bûn.

Di şahiyê de, Hevseroka Meclisa Rêveber a Rêveberiya Sivîl a Demokratîk a Minbic û gundewarên wê Nezîfa Xelo axivî, serkeftina QSD‘ê ya li dijî DAIŞ‘ê li malbatên şehîdan pîroz kir û got, bavên zarokan ji ber zulm qebûl nekirin şehîd bûn.

Nezîfa destnîşan kir ku bi saya ked û xwîna şehîdan herêmên Bakur û Rojhiltaê Sûriyê ji terorê rizgar bûn û ewlehî û aştî pêk hat.

Paşê zarokên bi navî Sîracedîn El-Abo û Tacedîn El-Abo yên ji Babê, Hazar keça şehîd Xelîl Hesen helbestên şoreşgerî xwendin.

Di berdewama şahiyê de bi navê zarokên şehîdan kurê şehîd Ednan Ebû Emced, Emced Hemdiye axivî û spasiya Meclisa Malbatên Şehîdan li ser ked û hewldanan wê ji bo xizmeta zarokên şehîdan kir.

Her wiha Koma El-Mehbe ya stranan, koma Minbic a dîlanan folklorî, Koma Şehîd Botan a Tirkman a dîlanan berhemên xwe pêşkêş kirin.

Di dawiyê de Meclisa Malbatên Şehîdan diyarî û şêranî li zarokên şehîdan belav kirin.

(şx)

ANHA


Mijarên Din