Li Minbicê pêşbirka bezînê ya xwendekaran

Yekitiya Werzîşê bi hevkariya Komîteya Perwerdeyê îro pêşbirkeke bezînê ji xwendekarên her sê astan re li Minbicê li dar xist.

Yekitiya Werzîşê û Komîteya Perwerde û Fêrkirinê li Minbicê pêşbirkeke bezînê Ii dar xist. Bi dehan şagirtên dibistanên Minbicê tev li pêşbirkê bûn.

Pêşbirk di 3 qonaxan de pêk hat. Qonaxa yekemîn a şagirtên seretayî bû ku bi mesafeya 1 km ji Nexweşxaneya Firat heta lîstikgeha şaredariyê, qonaxa duyemîn a şargirtên dibistanên navîn bi mesafeya 2 km ji Qada Sebî Behrat heta lîstikgeha şaredariyê, qonaxa sêyemîn jî şagirtên amadehî bi mesafeya 3 km ji Çerxerêya Şerîa heta lîstikgeha şaredariyê pêk hat.

Di pêşbirkê de endamên Komîteya Perwerde û Fêrkirinê, Rêberiya Sivîl a Demokratîk û Yekitiya Werzîşê amide bûn.

Ji rêberiya Komîteya Lîstokan a Dibistanan Monzir Rehabawî bi navê Yekitiya Werzîşê axivî û serkeftin ji xwedekaran re xwest.

Pêşbirk bi belavkirina xelatan li şagirtên serkeftî, bi dawî bû.

(jo)

ANHA 


Mijarên Din