Li Minbicê şahiyek ji xwendekaran re hate lidarxistin

Komîteya Çalakiyên Dibistanan bi hevkariya Komîteya Perwerdeyê û bi dirûşma "Di zanistê de em welat dibînin" şahiyek ji xwendekarên asta navîn re li Dibistana 16`ê Tişrînê a bajarê Minbicê li dar xist.

Endamên Komîteya Perwerdeyê, malbatên xwendekaran, her wiha endamên saziyên girêdayî Rêveberiya Xweseriya Demokratîk a Minbic û Gundewarên Wê û mamosteyên dibisitanê beşdarî şahiyê bûn.

Di şahiyê de rêveberekî Dibistana Xidir Hemade axivî û kêfxweşiya xwe bi xwendekarên ku ji zanist û xwendinê hez dikin, diyar kir.

Paşê şano, stran û dîlanên folklorîk hatin pêşkêşkirin. Di dawiyê de Komîteya Perwerdeyê xwendekarên serkeftî xelat kirin.

(bx)

ANHA

 


Mijarên Din