Li Minbicê semînera "Islama Demokratîk"

Li Minbicê, Navenda Lêkolîn û Diyalogan a Sûriyê semînerek girêdayî "Islama demokratîk" da.

Semîner li dibistana Pîşesazî ya bajarê Minbicê bi amadebûna endamên Rêveberiya Sivîl a Demokratîk a Minbic û gundewarên wê, Hevserokê Desteya Karûbarên Civakê ya Rêveberiya Xweser a Bakur û Rojhilatê Sûriyê Farûq El-Maşî û Hevserokê Meclisa Sûriyeya Demokratîk (MSD) Riyad Derar hate dayîn.

Semîner ji aliy Rêveberê Navenda Sûriyê ya Lêkolîn û Diyalogan Nasir Hac Mensûr ve hate bi rêveberin. Mensûr bi xêrhatina beşdaran kir û armanca dayîna semînerê diyar kir.

Paşê, Riyad Derar têgeha Islama demokratîk pênase kir û got: "Islam tu carî nebûye dewlet, lê belê ol û bawerî ye. Gelek dewlet bi navê islamê xwe ava kirin, wekî dewleta Ebasî, hikûmet û desthilatdariyan, lê ola Islamê ola û cîhan e, tu carî ne bûye dewet."

Derar anî ziman ku divê cewherê rast ê têgehan were famkirin û siyaseta şaş li hemberî ol were sekinandin, her wiha got, Islam banga mirovahî û wekheviyê dike.

Riyad Derar, bal kişand ser talîmatên Islama demokratîk û destûra Medîna Minewera ku Pêxember Mihemed bi 14 qebîleyên din ku di nav de cihû jî hebûn mînaka vê yekê nîşan da.

Semîner bi nîqaş û bersiva pirsan bi dawî bû.

ANHA


Mijarên Din

Li Raî teqîn