Li Minbicê turnovaya futbolê ya Şehîd Botan Turkman destpê kir

Îro turnovaya Rêveberiya Sivîl a futbolê bi navê şehîd Botan Turkman di salvegera şehadeta wî ya sêyemîn de destpê kir. Maça destpêkê di navbera Komeleya Turkman û Ewlekariya Hundirîn de bû.

Komeleya Turkman a bajarê Minbicê û gundewarê wê, bi koordîneya Yekitiya Werzîşê ya bajêr turnovaya futbolê li stada 15`ê Tebaxê li navenda bajêr li dar xist. 16 tîm ji endamên komîte û saziyên girêdayî Rêveberiya Sivîl a Demokratîk  a bajarê Minbicê û gundewarê wê tevli turnovayê bûn.

Bi dehan ji şêniyên bajêr, endamên komîte û saziyên girêdayî rêveberiyê tevî malbata şehîd Botan Turkman tevlî turnovayê bûn.

Merasîm bi deqeyek rêzgirtin destpê kir, piştre tîma zarokan a kluba Ebû Eyûb berhemek girêdayî hunerên Taykwendo pêşkêş kirin. Piştî wê bavê şehîd Botan Turkman axivî, bi xêrhatine beşdaran kir û spasiya kesên ku turnova li darxistine kir.

Paşê maça yekemîn di navbera Tîma Komeleya Turkman û Tîma Hêzên Ewlekariya Hundirîn de destpê kir.

Maç bi encama  4-4 ji her du tîman re bi dawî bû.

Tê destnîşankirin ku maçên turnovayê wê rojane heya dawiya turnovayê li darkevin.

(şx)

ANHA


Mijarên Din