Li Nexweşxaneya Umer Elûş beşeke taybet ji bo karantînayê hate vekirin

Nexweşxaneya Şehîd Umer Elûş ya navçeya Eyn Îsayê beşeke taybet a karantînayê vekir.

Di çarçoveya tedbîrên ku ji aliyê Rêveberya Xweser a Bakur û Rohilatê Sûriyê ve ji bo pêşîlêgirtina belavbûna nexweşiya Koronavîrusê de, beşa karantînayê hate vekirin.

Beşa karantînayê ji 5 odeyan pêk tê, her odeyek 3 text tê de hene. Ev beş ji aliyê  4 bijîşk, 8 hemşerî, muxedirek, mexberiyek, ajokar û 4 karkerên paqijiyê û karmendên pêşwazîkirinê pêk tê.

Dr. Salih El-Zahir berpirsê vê beşê tekez kir ku ew ji bo pêşwazîkirina kesên biguman amade ne. El-Zahir destnîşan kir ku di hefteya pêş de, dê 5 cîhazên nefesê bigihêjin wan.

Her wiha nexweşxaneyê ji bo agahiyên li ser kesên biguman ev hejmara telefonê ya giştî ragihand: 0998662942.

ANHA


Mijarên Din