Li paytexta Şamê erebeyeke bombebarkirî teqiya

Vê sibê li taxa "Mezê 86" ya paytexta Şamê erebeyeke bombebarkirî ku li têketina taxa Qebîl bû teqiya.

Erebeyeke bombebarkirî ku li têketina taxa Qebîl a paytexta Şamê sekinîbû teqiya û têkildarî bûyerê Navenda Çavdêriya Mafên Mirovan(SOHR) eşkere kir ku ji ber teqînê zirarên madî çêbûn û heta niha ne diyar e ka birîndar û wendahî hene yan na.

Tê zanîn ku 14`ê vê mehê li bajarokê Zakiyê yê gundewarê rojavayê Şamê teqînek rû da, paşê eşekre bû ku bombeyek di erebeya kesayeteke girîng ê lihevanîna li herêmê  hatibû çandin û dema dihat malê bombe teqiya. Di encamê de ew bi giranî birîndar bû û ew rakirin nexweşxaneyên li paytexta Şamê.

(eh)

ANHA


Mijarên Din