Li Reqayê dewreya fêrkirina xwendinê ji jinan re hate vekirin

Îro Rêveberiya Jinan a Reqayê bi hevkariya Komîteya Perwerdê û Fêrkirinê li  taxa El-Meşlib, li ser banga jinan dewreya fêrkirina xwendinê ji jinan re vekirin.

Merasîma vekirinê bi beşdariya xebatkarên saziyên sivîl û rêveberiya jinan hate kirin. Tê zanîn ku dewre ji 90 jinan pêk tê û dê 6 mehan berdewam bike.

 Merasîm bi rêzgirtinê dest pê kir, paşê ser navê Meclisa taxa El-Meşlib ji rêveberan Rîma Îbrahîm axivî û vekirina dewreyê pîroz kir û wiha dewam kir: "Ev gav weke gaveke erênî ye  ber bi naskirina jinan ji kesayeta xwe ve. Jinên zana bingeha avakirina hemû beşên civakê ye."

Her wiha ji Rêveberiya Jinan a Reqayê Fehîma Casim axivî û qehremaniya şehîdên ku di oxira ku jin mafên xwe bi dest bixin, canê xwe feda kirin bi bîr xist.

Fehîma bal kişand ser ku çeteyên DAIŞ`ê bi rêya dagirkirina herêmên Bakur û Rojhilatê Sûriyê, di serî de jin kirin armanca xwe, ew kirin wekî alavekê û got: "Îro bi hêza xwe jin dikare ji fikirên tundrew ên ku çeteyan çandine rizgar bibin."

Di vê derbarê de jina bi navê Emîna Mihemd(50)ku nizane ne bixwîne û binivîsîne ji ajansa me re got: "Em spasiya Rêveberiya Jinan dikin, ku daxwazin me bicih anîn û ev dewre dê asta fêrkirina me xurt bike."

(eh)

ANHA


Mijarên Din