Li Reqayê laboratûvara avê hate vekirin

Komîteya Avê  ya Meclisa Sivîl a Reqayê laboratûvara analîzkirina ava vexwarinê di stasyona pompa avê ya sereke de vekir.

Bi armanca paqijkirin û analîzkirina avê, Komîteya Avê  ya Meclisa Sivîl a Reqayê îro bi merasîmekê laboratûvarayeke analîzkirina ava vexwarinê di stasyona pompa avê ya sereke de vekir.

Di merasîmê vekirinê de endamên Meclisa Sivîl a Reqayê, xebatkarên stasyona sereke ya paqijkirina avê ya Reqayê, pisporên Komîteya Avê û bi dehan endamên saziyên sivîl amade bûn. Deriyê laboratûvara ji aliyê rêvebirê Girînendeya Avê ya Şaredariya Gel Casim Xelef hate vekirin û beşdar li avahiya laboratûvarayeyê geriyan.  

Xebatkarê laboratûvarayeyê Telal El-Camûs li ser girîngiya vekirina laboratûvara axivî û wiha got: "Armanca me ya serkeke parastina tenduristiya welatiyan, ji ber vê yekê me ev laboratûvara  vekir da ku ava paqij bighêje şêniyan."

Komîteya Avê ya Meclisa Sivîl a Reqayê de di gihandina avê ji şêniyan re gelek zehmetî kişand, ji ber rûxandina li taxên bajêr ku di encamê de xetên avê zerar dîtin.

ANHA


Mijarên Din