Li Reqayê pêşangeha berhemên zarokan

Bi navê "Mewahib" (behre) pêşangeheke destkariyên zarokan li Reqayê hate vekirin.

Ji bo pêşxistina behreyên zarokan, Komîteya Ciwan û Werzîşê ya Meclisa Sivîl a Reqayê pêşangeheke pîşeyî li Navenda Çand û Hunerê ya li navenda bajêr vekir. Tê de destkarî û tabloyên hunerî yên zarokan têne pêşandan.

Di vekirina pêşangehê de endamên meclisên herêmî û meclisa sivîl a Reqayê, Komîteya Ciwan û Sporê û bi dehan malbatên zarokên ku beşdarî pêşangehê bûn, amade bûn. Deriyê pêşangehê ji aliyê dayîka şehîd Feysel El-Elî û endamên Saziya Malbatên Şehîdan hate vekirin.

Di pêşangehê de wêneyên hunerî û destkariyên zarokan hatin çêkirin, mîna mijarên xwezayê, jin û êşa ku dîtine, hatin pêşandin.

Di çalakiyên pêşangehê de komîteyê zarokên beşdar xelat kirin.

ANHA


Mijarên Din