Li Reqayê zêdetirî 7 hezar dar hatin çandin

Şaredariya Gel a bajarê Reqayê di 15`ê Adarê de pêngava çandina daran, li rêyên sereke yên bajêr û çerxerêyên sereke wekî çerxerêya Neaîm û Idxar dabûn destpêkirin.

Bi aramnca jinûve vejînkirina jiyanê li bajêr û vegera bedewiya bajar, Şaredariya Gel a bajarê Reqayê di 15`ê Adarê îsal de dest bi pêngava çandana daran kiribû.

Şaredariyê  li hemû kolan û taxên bajêr, daketinên bajêr wekî çerxerêya Firûsiyê, Idxar û Neaîm û hejamrek ji bexceyên giştî yên li navenda bajêr dar çandin.

Hevserokê şitilgeha herêmî ya li bajarê Reqayê ku girêdayî Şaredariya Gel e Mihemed Ibrahîm derbarê mijarê, ev tişt got: “ Pêngava çandina daran bi hevkariya Şaredariya Gel a Navendî hatiye destpêkirin, bi taybet ku tevahiya bexceyên bajêr dema dagirkeriya çeteyên DAIŞ`ê de xeran bûbûn.”

 Mihemed Ibrahîm di dewama axaftina xwe de teqez kir, di  pêngava çandinê de, zêdetirî 7 hezar şitilên ji hemû cûreyên darên hatin çandin.

Hêjayî gotinê ku bajarê Reqayê ji ber axa xwe ya baş, bi bexceyên xwe tê naskirin.

(eh)

ANHA


Mijarên Din