Li Şehbayê mayînek teqiya; Zarokekî jiyana xwe ji dest da

Li kantona Şehbayê di encama teqîna mayînê ji bermahiyên çeteyên DAIŞ'ê de zarokek ji koçberên Efrînê jiyana xwe ji dest da.

Zarokê bi navê Mihemed Ezîz Hisên (15) dema ku pez li nêzî bajarokê El-Zehra diçêrand mayîn bi wî de teqiya û di encamê de jiyana xwe ji dest da.

Nûçegihanê me destnîşan kir ku Mihemed Ezîz Hisê ji gundê Basilê yê girêdayî kantona Efrîn a dagirkirî ye û tevî malbata xwe li navçeya Til Rifat diman.

Hêjayê gotinê ku ji ber bermahiyên çeteyan ji mayîn û bombeyan, gelek zarokên koçberên Efrînê jiyana xwe ji dest dan û birîndar bûn.

(dm)

ANHA


Mijarên Din