Li Şehbayê panela girêdayî rewşên siyasî yên herêmê

Îro li kantona Şehbayê ji bo nîqaşkirina geşedanên dawîn ên siyasî û lihevkirinên dawîn ên  girêdayî makenîzmeya ewlehiya sînorên Bakur û Rojhilatê Sûriyê panelek ji şêniyan re hate lidarxistin.

Panel li hola Jîn Efrîn a navçeya Ehdas a li kantona Şehbayê bi tevlibûna bi dehan nûnerên ji deste û saziyên Rêveberiya Xweser a Herêma Efrînê Ii dar ket.

Hevseroka Meclisa Sûriya Demokratîk Emîne Umer axivî û bixêrhatina beşdaran kir. Emîne got: “Tirkiye ji tevahiya aliyên siyasî, aborî û civakî re aloziye. Tirkiye  ji bo ku ji aloziyên xwe bireve gefa êrîşan li dijî herêmên Bakur û Rojhilatê Sûriyê  xwar û bala hemûyan kişand derve.”

Emîne destnîşan kir ku Tirkiyê bi armanca têkbirina projeya neteweya demokratîk û koçberkirina şêniyên herêmê yên resen mîna ku li Efrînê kiriye, projeya herêma “ewle” bi kûrahiya 32 km xiste rojevê.

Di berdewama axaftina xwe de Emîne got: “Piştî hincetên Tirkiyê yên girêdayî ewlehiya xwe, li ser makenîzmeya ewlehiyê bi kûrahiya 5 km li ser dirêjahiya sînor  lihevkirinek pêk hat. Ev herêm ji hêla meclisên leşkerî yên herêmî ve tên parastin. Mijara Efrînê mijara me ya sereke ye. Dosyaya Efrînê di hevdîtin û civînên dîplomasî yên navdewletî de tê pêşkêşkirin. Ji bo rizgarkirina Efrînê û vegera şêniyan em ê têkoşîna xwe li ser tevahiya astan berderwam bikin. Çareseriya tekane ya aloziya Sûriyê çareseriya siyasî bi rêya diyalogê û îtîrafkirina bi tevahiya pêkhateyên herêmê ye.”

Di dawiya panelê de deriyê nîqaşê ji beşdarên panelê re hate vekirin.

(şx)

ANHA

 


Mijarên Din