Li Şehbayê şahiya dawîbûna sala perwerdeyê hat lidarxistin

Komîteya Perwerdeya Civaka Demokratîk a Herêma Efrînê bi boneya dawîbûna sala perwerdeyê ya sala 2018 – 2019 li dibistana El-Ehdasê şahiyek lidar xist.

Di şahiyê de sedan mamoste, endamên saziyên sivîl û meclisan, hevserokên Meclisa Rêveber a herêma Efrînê Bekir Elo û Şîraz Hemo û endama Koodînasyona Kongreya Star Hediya Yûsif beşdar bûn.

Qada şahiyê bi wêneyên şehîdên Berxwedana Serdemê û pankartên li ser nivîsa "Bi mamosteyên azad, em civakê ber bi azadiyê ve dibin" hate xemlandin.

Di şahiyê de endama Koodînasyona Kongreya Star Hediya Yûsif û endamê rêveberiya Desteya Perwerdeyê ya Herêma Efrînê Hemed Rustem axivîn.

Axaftvanan rola mamoste di pêşxistina civaka de destnîşan kirin.

Axaftvanan destnîşan kirin di vê salê de xwendekar û mamosteyan di kampan û malên hilweşiyayî de zehmetî kişandin.

Her wiha axaftvanan serkeftin ji mamoste û xwendekaran re hêvî kirin.

Paşê hunermendên Desteya Çand û Hunerê ya herêma Efrînê stranên folklorî yên Efrînî pêşkêş kirin.

Şahî bi gerandina govendê bidawî bû.

ANHA


Mijarên Din