Li Serêkaniyê 150 xwendekarên serkeftî bawername girtin

Komîteya Ciwan û Werzîşê bi hevkariya Komîteya Zanist û Perwerdeyê ya navçeya Serêkaniyê bawernameyên zimanê Ingilîz li 150 xwendekarên serkeftî belav kir.

Di dewreya perwerdeyê ya  zimanê ingilîzî ya 3 mehan dewam kir de 300 xwedekarên astên navîn û amadehî beşdar bûn. Perwerde li dibistanên Ebn Xeldûn û Um Seleme dihatin dîtin. Bi armanca qedandina dewreyê Komîteya Ciwan û Werzîşê bi hevkariya Komîteya Zanist û Perwerdeyê şahiyek li navenda Çand û Hunerê ya Waşûkanî ya bajêr li dar xist. Di şahiyê de bawername li xwendekarên serkeftî hatin belavkirin.

Bi sedan xwedekar û malbatên wan, endamên rêveber ên saziyên sivîl û leşkerî amade bûn.

Axaftina destpêkê ya şahiyê ji aliyê hevseroka Meclisa Serêkaniyê Fadiya Îbarhîm ve hate kirin. Fadiya xwendekarên bi serketin pîroz kir û spasiya mamosteyan  ked dane kir.

Paşê, komên stranan, stranên bi zimanê Ingilîz gotin her wiha şanoyek ku balê dikşîne li ser cûdabûna çandan û girîgniya rêzdariya li hember hemû çand û zimanan hate pêşkêşkirin.

Di şahiyê de spasnameyên kedê pêşkêşî Hêzên Asayîşê, nûçegihanên Meclisa Kantona Hesekê li herêma Serêkaniyê û nûçegihanê ajansa me ANHA‘yê hatin kirin.

Di dawiya şahiyê de 150 xwendekarên serkeftî bawername girtin.

ANHA

 


Mijarên Din