Li Serêkaniyê meşa li dijî dagirkeriya Tirk

Li dijî gefên Tirkiyê bi hezaran şêniyên herêma Serêkaniyê meşiyan û berê xwe dan ser sînor da ku konê çalakiya mertalên zindî li rojavayê bajêr vegirin.

Li dijî gefên Tirkiyê bi hezaran ji pêkhateyên bajarê Serêkaniyê, bajarokê Zirgan û gundewarên wê meşek lidar xistin û ber bi rojavayê bajêr ango li ser rêya bajarokê Til Helefê meşiyan, da ku konê çalakiya mertalên zindî, li nêzî sînor vegerin.

Meş ji bazara navendî dest pê kir û ber bi kolanên bajêr û sînor ve çûn. Xwepêşandêran alên QSD`ê û wêneyên şehîdan hilgirtin.

Xwepêşandaran li nêzî sînorê di navbera Sûriyê û Tirkiyê de angu li rojavayê bajêr, dest bi amadekariyên vegirtina konê çalakiya mertalên zindî kirin.

Hevserokê Meclisa Kantona Hesekê û Endamê komîteya amadekar a konê mertalên zindî Abdullxenî Oso axivî û got: "Bi gefên Tirkiyê yên li ser herêmên Bakur û Rojhilatê Sûriyê, konên çalakiya mertalên zindî hate vegirtin, di vê derbarê de mertalên zindî isbat dike ku şêniyên Bakur û Rojhilatê Sûriyê xaka xwe ji Tirkiya dagirker re nahêlin."

Oso diyar kir ku çalakiyên mertalên zindî dê dewam bikin, şêniyên herêma Cizîrê beşdar bibin û bi awayekî nobedarî be.

Tê payîn ku piştî kon were vegirtin bi çend saetan çalakiyên mertalên zindî dest pê bikin.

 (eh)  

ANHA


Mijarên Din