Li Serêkaniyê pêşangeha xwendekaran

Li Serêkaniyê Dibistana Xidir Dirêî ya Seretayî, pêşangehek ji destkarî û wêneyên xwendekarên dibistanê vekir.

Bi armanca derxistina behreyên xwendekaran ên hunerî, îro Dibistana Xidir Dirêî ya Seretayî li taxa Zerdeşt a bajarê Serêkaniyê, pêşangehek ji destkarî û wêneyên xwendekaran  vekir. Wêne û destkarî li fêrgehên dibistanê hatin daliqandin.

Pêşangehê heta dawiya dewama dibistanê dewam kir û bi beşdariya malbatên xwendekar û endamên Meclisa Serêkaniyê hate vekirin. Di pêşangehê de wêneyên xwezayê û amûrên ku ji pelan hatine çêkirin, hatin pêşandan.

Pêşangeh ji aliyê yek ji rêveberên Komîteya Rêveberiya Dibistanan a Serêkaniyê Stêr Reşk ve hate vekirin, paşê beşdar li nava pêşangehê geriyan.

Ji rêveberiya Dibistana Xidir Dirêî Bedîa Seyid Ehmed wiha got: "Pêşangeh bi armanca diyarkirina behreyên xwendekaran û teşwîqkirina wan ji hunerê re hatiye vekirin."

Di dawiyê de pêşangeh bi pêşandana şanoyê ji aliyê komeke xwendekaran ve ku rewşa dibistanên Efrînê di dema dagirkeriyê Tirkiyê de û ferzkirina zimanê tirkî li xwendekaran, bi dawî bû.

(eh)

ANHA


Mijarên Din