Li Tebqayê şevbêrkek helbestan

Li ser dika Navenda Çand û Hunerê ya Tebqayê bi dirûşmeya "Bi çanda xwe em pirên hezkirinê di navbera gelan de ava bikin" şevbêreke helbestan hat lidarxistin.

Şevbêrk ji aliyê Komîteya Çand û Hunerê û Yekîtiya Reşwenbîran a Tebqayê ve hate lidarxistin. 5 helbestvanên Minbicê û hejmarek hebestvanên Tebqayê, bi dehan endamên saziyên sivîl û hezkiriyên helbestan amade bûn.

Piştî deqeyeke rêzgirtinê, Hevserokê Komîteya Çand û Hunerê ya Tebqayê Elî El-Elaya bi xêrhatina beşdaran kir û spasiya helbestvanên Minbicê kir ku vexwendina wan pêk anî.

Endamê Yekîtiya Rewşenbîrên Minbicê jî Ehmed Mûsena axivî û bal kişand ser girîngiya xurtkirina têkiliyên di navbera rewşenbîrên herêmên Bakur û Rojhilatê Sûriyê de.

Paşê helbestvanan, helbest li ser dayikan, girîngiya çandê û leheniya şervanan ji bo rizgarkirinê xwendin.

Di dawiyê de hevserokê Komîteya Çand û Hunerê ya Tebqayê Elî El-Elaya û cîgira Hevserokatiya Komîteya Çand û Hunerê Bitûl El-Xilêf diyariyeke pêşkêşî Yekîtiya Rewşenbîrên Minbicê kir.

ANHA


Mijarên Din