Li Til Hemîsê projeya restorakirina rêyan dest pê kir

Şaredariya Gel a naçveya Til Hemîsê dest bi projeya restorakirin û sererastkirina rêyên li navçe û gundewarên wê û projeya kanalîzesyona nû bi dirêjahiya hezar û 800 m li navçeyê jî kir.  Proje dê beriya 2019’an bidawî bibin.

Şaredariya Gel a navçeya Til Hemîsê ya kantona Qamişlo ragihand ku dest bi pêkanîna projeyên restorakirin û sererastkirina rê û avakirina torên nû yên kanalîzesyonê kir. Ev jî piştî hevpeymana bi aliyên pispor ên der barê qîrkirina kolanên navçe û rêya gundê Seêdiyê de yê rojavayê Til Hemîsê bi 3 km hat kirin, bû.

Nirxa giştî ya projeyên rê û torên kanalîzesyonan nêzî 151 milyon û 620 hezar lîreyên Sûriyê ye. Pêkanîna projeyan dê ji hêla aliyên pispor ên der barê çêkirina rêyan de pêk werin. Projeya restorakirin û sererastkirina rêyan dê di dawiya 2019’an de bi dawî bibe.

Hevserokê şaredariya Gel a navçeya Til Hemîsê Abdulrehman Hadî diyar kir ku şaredarî dest bi pêkanîna projeya lêkirina kevran li navçeya Til Hemîsê û gundewarên wê bi 5 hezar û 200 mitre kiriye. Ji wê jî zêdetir sererastkirina rêyên gundên Naêm El-Celad bi dirêjahiya 400m, Naêm El-Heyar bi 200 m û gundê Kalo bi 2 hezar û 100 m, kir.

Hadî destnîşan kir ku xebata sererastkirina rêyên taxên navçeya Til Hemîsê berdewam e. Her wiha bal kişand ser ku dê şaredarî pêkanîna projeya kanalîzesyonê dest pê bike û radestê aliyên pispor bike. Xebata wê jî dê rojan bidome û dirêjahiya wê hezar û 800 m. Di vê warî de Hadî wiha got: "Projeya sererastkirina kolanên navçeyê û qîrkirina rêya gundê Seêdiyê tên kirin."

Li aliyekî din jî şaredariyên gel ên li bajarê Qamişlo dest bi sererastkirina rêya Elî Fero ya di navbera bajarê Qamişlo û bajarê Hesekê de kir.

(fr)

ANHA


Mijarên Din