Li Viyanayê der barê Bakur û Rojhilatê Sûriyê de kongreyek li dar ket

Şandeya Rêveberiya Xweser a Bakur û Rojhilatê Sûriyê bi şandeya Awisturyayê re ya ji parlamenter, siyasetmedar û akademîsyanên ewropî pêk tê, civiya da ku rewşên li Bakur û Rojhilatê Sûriyê û êrişên dewleta Tirk ên bênavber, nîqaş bike.

Kongre li paytexta Awisturyayê (Nemsa) Viyanayê bi beşdariya cîgirê Hevserokatiya Rêveberiya Xweser a Bakur û Rojhilatê Sûriyê Bedran Çiyakurd û endamê KNK’ê Refîq Xefûr li dar ket.

Ji Awisturyayê endamê Parlamentoya Ewropayê Anderias Schieder, endamên saziyên civaka sivîl, siyasetmedar û akademîsyenên ewropî beşdarî kongreyê bûn.

Di kongreyê de gelek mijarên ji wan astengiyên li hember stratejiyên Rêveberiya Xweser a Bakur û Rojhilatê Sûriyê, êrişa dewleta Tirk û encamên wê li herêmê ji tevliheviya aramî û vejandina DAIŞ’ê, hatin nîqaşkirin.

Di kongreyê de behsa rola Rêveberiya Xweser di çareserkirina aloziya Sûriyê de, encamên dûrxistina wê ji dan û standinên ku bi hedefa çareserkirina aloziya Sûriyê li dar dikevin, hate kirin.

Li aliyekî din behsa tecrubeya pêşeng a Rêveberiya Xweser a Bakur û Rojhilatê Sûriyê û rola jinan tê de hat kirin. Her wiha li ser binpêkirin û kiryarên guhartina demografiyê yên li herêmên di bin dagirkeriya Tirk û çeteyên girêdayî wê de hat nîqaşkirin.

(fr)

ANHA


Mijarên Din