Macron piştgiriya Fransayê ji Lubnanê re nîşan da

Serokkomarê Fransayê Emmanuel Macron destnîşan kir ku Fransa li kêleka Lubnanê ye û gelê Lubnanê dikare pişta xwe bide Fransayê.

Serokkomarê Fransayê bi boneya salvegera 77'an a serxwebûna Lubnanê, nameyek ji serokê Lubnanê Mişêl Ewn re şand û da zanîn ku aloziya ku Lubnan tê re derbas dibe, li ser astên cur bi cur yên aborî, darayî, civakî û siyasî pêwîst dike ku tedbîrên xurt werin girtin.

Macron wiha got: "Em bi hevkariya bi Neteweyên Yekbûyî û hevalbendên me re dixebitin da ku konferanseke navneteweyî ji bo piştgiriya gelê Lubnanê li dar bixin û nexşeya rêyê ku bersivê dide daxwazên Lubnanê, peyda bikin."

(dm)


Mijarên Din