Meclisa Malbatên Şehîdan bi daxuyaniyekê kiryarên li dijî goristanên şehîdan şermezar kir

Meclisa Malbatên Şehîdan a herêma Dêrikê û Qamişlo topbarana artêşa Tirk a dagirker li ser goristanên şehîdan şermezar kirin.

Îro bi dehan endamên Meclisa Malbatên Şehîdan li pêşiya navenda meclisê kom bûn û topbarana artêşa Tirk li ser goristanên şehîdan bi daxuyaniyekê şermezar kirin. Bi heman armancê, Meclisa Malbatê Şehîdan a Herêma Cizîrê li Goristana Delîl Sarûxan ya bajarê heman daxuyanî da.

Daxuyaniya li bajarê Dêrikê ji aliyê endamê meclisê Mehmûd Resûl ve hate xwendin.

Daxuyaniya li Goristana Şehîd Delîl Sarûxan jî ji aliyê aliyê Hevserokê Meclisa Malbatên Şehîdan Elî Omer ve hat xwendin.

Di daxuyaniyê de kiryarên artêşa Tirk a dagirker li ser goristanên şehîdan hate şermezarkirin û hate gotin:"Hîn jî faşîzma Tirkiyê bi serkêşiya AKP`ê li dijî mirovahiyê û xwezayê kiryarên hovane pêk tînin. Mafên gelan înkar dikin, xwestekên avakirina welatekî bi rûmet tune dikin, ji ber vê yekê AKP`ê kiryarên dermirovî pêk tîne û di dîrokê ti carî wekî kiryarên rejîma faşîst nehatine pêkanîn. Heta bi goristanan jî ji kiryarên dewleta Tirk nefilitînin, isbata vê yekê jî li gelek bajarên Bakurê Kurdistanê, li Efrînê birîndar û îro jî li welatê me yê giranbuha heman kiryaran dide meşandin."

Di daxuyaniyê de bang li hemû rêxistinên mirovî, civaka sivîl, hezkiriyên demokratiyê, aşîtiyê û hevalên gelên bindest ên di cîhanê de hate kirin ku destwerdana ji bo sekandina kiryarên dermirovî yên li dijî nirxên wan ên pîroz bikin."

eh

ANHA


Mijarên Din