Metirsiya li ser jiyana Elî Wezîr didome

Elî Wezîr ê ji Rojava ku ji bo şermezarkirina helwestên Neteweyên Yekbûyî (NY) ên xemsar ji bo êrişên dewleta Tirk a dagirker bedena xwe da ber agir, jiyana wî hîn jî di metirsiyê de ye.

Ji bo bêdengiya Neteweyên Yekbûyî (NY) ya li pêşberî êrişên dagirkeriyê yên dewleta Tirk şermezar bike Alî Wezîr ê Rojavayî di 24'ê Cotmehê de li pêşiya Ofîsa Cenevreyê ya Neteweyên Yekbûyî bedena xwe dabû ber agir. Li gorî agahiyan, hîna rewşa w Elî metirsîdar e.

Piştî çalakiyê 84 ji sedî yê bedena Wezîr şewitî. Tedawiya wî li Nexweşxaneya Navendî ya Zanîngeha Lozanê (CHUV) didome.

Wezîr hîn jî li beşa lezgîn a nexweşxaneyê ye. Doktoran der barê rewşa wî agahî dan û gotin ku metirsiya jiyana wî hîn jî didome.

Elî Wezîr ê 31 salî ji bajarê Hesekê yê Rojava ye, zewiciye û bavê du zarokan e. Wezîr 4 sal in li bajarê Essenê yê Almanyayê ye.


Mijarên Din