​​​​​​​MSD`ê banga berdana girtiyan û eşkerekirina çarenûsa kesên revandî û wenda kir

Ji bo bi cihanîna banga NY`yî û kêmkirina azarên gelên Sûriyê, MSD`ê bang li hemû aliyên Sûriyê kir ku girtî û kesên revandî berdin û çarenûsa kesên wenda eşkere bikin.

Meclisa Sûriya Demokratîk (MSD) bi daxuyaniyekê banga pabendîbûna bi biryarên navdewletî yên taybet ji bo Sûriyê kir, di demekê de ku vîrûsa Koronayê belav dibe.

MSD`ê di destpêka daxuyaniya xwe de ev agahî bibîr xist: "Li gorî biryara navneteweyî (2254) ya taybet bi Sûriyê, divê girtiyên di girtîgehan de bên berdan. Tevî insyatîf û bangewaziyên herêmî û navdewletî ku herî dawî bangewaziya sekertêrê giştî yê Neteweyên Yekbûyî NY`yî Antonio Guterres û şandeya taybet ji bo Sûriyê Geir Pederson bû. Her wiha bi agahiyên der barê mercên girtinê yên xirab û yên rûmeta mirovan bin pê dikin re û bi perspektîfên Rêxisitna Tenduristiyê ya Cîhanê yên der barê xweparastina ji nexweşiyê veger nemze bi belavbûna Koronavîrusê re û pêkanîna dûrketina komî ku ne pêkane li girtîgehan bê pêkanîn. Lê belê biryara NY`yî nehat pêkanîn û hîna jî bi hezaran malbatên Sûriyê azarên vê yekê dikişînin."

BANGA BERDANA GIRTIYAN Û EŞKEREKIRINA ÇARENÛSA KESÊN WENDA Û REVANDÎ

Di daxuyaniyê de banga eşkerekirina çarenûsa girtiyan hat kirin û wiha hat gotin: "Wekî Meclisa Sûriya Demokratîk em dibînin ku berdana hemû girtiyan û kesên revandî û kesên wenda dê garantiya çareseriyên siyasî yên mayînde bike her wiha dê kina civakî kêm bike, parastina ewlehiya navxweyî bike û dê baweriya xelkê Sûriyê vegerîne.

Ji bo pêkanîna rêgezên qanûna navdewletî ya mafên mirovan, her wiha ji bo kêmkirina azarên gelê Sûriyê û pêkanîna xeyalên wan ên azadî, demokrasî û edaletê di dewleteke demokratîk û ne navendî de, ji hemû aliyên Sûriyê tê xwestin ku hemû girtî û kesên revandî berdin û çarenûnsa kesên wenda eşkere bikin. Her wiha tê xwestin ku cihên girtinê bên eşkerekirin."

DOZA GIRTIYAN DOZEKE MIROVÎ YE

MSD`ê di daxuyaniya xwe de piştgiriya xwe bi malbatên girtiyan anî ziman û wiha dewam kir: "Em dengê xwe tev li dengê malbatên girtî, revandî û wendayan re bilind dikin. Em bang li rêxistin û desteyên herêmî û navdewletî dikin ku bi lez bikevin tevgerê û li kêleka malbatên girtiyan bisekinin, daxwazên wan bicih bînin û ji bo vê yekê zextê li hemû aliyên şer bikin."

Meclisa Sûriya Demokratîk hewl dide ku doza girtî, kesên revandî û wenda bike dozeke mirovî ku li ser dan û standin neyê kirin û bi pêşketina doza çareseriya siyasî re neyê girêdan.

MSD`ê her wiha tekez kir ku ew amade ye tîmeke taybet ji bo eşkerekirina çarenûsa kesên wenda û revandî, ava bikin û wiha pê de çû: "Em amade ne ku hevkariyê bi aliyên Sûriyê yên sivîl û hiqûqî re bikin da ku tîmekê ji malbatên girtiyan û pisporên qanûnê û akîtîvîstên civaka sivîl ava bikin. Dê çawaniya karê tîmê û navên kesên tê de bi civîneke çapemeniyê bê eşkerekirin, da ku ev doz hewextî pêşketinên leşkerî û siyasî yên dawîn, her tim di ber cavan re bê girtin û girîngiya exlaqî , siyasî û mirovî jê re bê dayîn û careke din raxin pêş çavan."

Di dawiya daxuyaniyê de hat diyarkirin ku ji bo eşkerekirina dozên girtiyan, wan rêzetedbîr girtine û dê di demeke nêz de eşkere bikin.

)cx)

ANHA

 

 

 


Mijarên Din