Muxalîfên Erdogan li pêşiya CNN’ê xwepêşandan li dar xistin

Bi dehan muxalîfên siyaseta serokkomarê Tirkiyê Recep Tayyîp Erdogan xwepêşandanek li pêşiya navenda CNN’yê a Amerîkayê li bajarê Atlanta li wîlayeta Georgia li dar xist, ji ber ku CNN Turk bi awayekî yekalî tev geriyaye.

Ajansa Bloomberg a Amerîkayê di raporeke xwe de da zanîn ku şaxê CNN’ê ya li Tirkiyê ‘CNN Turk’ rastî gelek rexneyên muxalîfên Tirk tê, ji ber ku dûrî rastiyê ye û nûçeyên ji bo alîgiriya serokê AKP`ê Erdogan diweşîne.

Partiya opozîsyonê ya Tirkiyê CHP`ê, xwepêşandan li pêşiya navenda CNN’ê ya li Atlanta, Newyork û Koşka Spî li dar xistin. Xwepêşandêran tekez kir ku televîzyon bûye zimanê AKP’ê û Erdogan û îdiayên derew li ser muxalîfên li Tirkiyê diweşîne.

Yurter Ozcan nûnerê CHP’ê li DYA`yê, di daxuyaniyê de got xuya ye kanala CNN Turk, di belavkirina nûçeyên derew û nerast de dewam dike û piştgiriya hikumeta Erdogan di xebatên ku têkiliyên wê bi rojnemevaniyê tune ye, dike.

CNN Turkê axaftina li ser mijarê red kir.

(jo/kc)

 


Mijarên Din