Natanyahu û Pûtîn hevkariya li Sûriyê nîqaş kir

Rojnameya Jerusalem Post a Îsraîlê li ser zimanê Kremlînê ragihand ku serokwezîrê Îsraîlê Benjamin Netanyahu û serokê Rûsyayê Vladimîr Pûtîn îro der barê doza Sûriyê de nîqaş kirin.

Her du aliyan, piştî civîna sêalî ya şêwirmendên ewlehiya niştîmanî yên DYA, Îsraîl û Rûsyayê beriya 2 hefteyan, axivîn.

Pûtîn, Natanyahu ji bo sala bê vexwend da ku beşdarî bûyerên vejandina salvegera 75’emîn a serkeftina li dijî Almanyaya naziyan bibe.

Rojnameyê bal kişand ser ku di hefteya borî de 15 kes di êrîşa Îsraîlê ya li Sûriyê de li gorî Navenda Çavdêriya Mafên Mirovan a Sûriyê ragihandiye, hatin kuştin. 9 ji wan ji hêzên alîgirên rejîma Sûriyê bûn û 6 jî sivîl in.

Li gorî ku di raporan de hatiye, êrîş ji hêla balafirên Îsraîlê û keştiyên şer ve pêk hatin. Êrîş li dijî hedefên girêdayî artêşa Sûriyê, hêzên Îranê û Hizbullahê yên li derdora Şam û Humsê bûn.

(fr)


Mijarên Din