Navenda avê ya Amêdiyê hat bombebarankirin

Artêş Tirk a dagirker duh li 3 herêmên Amêdiyê wergehên sivîl û jiyanî bombaran kirin. Di van bombebaranan de li gel benzînxaneyekê, navenda xeta avê ya tevahiya herêma Amêdiyê jî bû hedef.

Çavkaniyên herêmê ji ajansa Rojnewsê re ragihandine  ku balafirên şer ên artêşa Tirk a dagirker, duh di saetên êvarê de 3 herêmên Amêdiyê ku bi sedan sivîl têde dijîn, bombebaran kir.

Çavkaniyan destnîşan kir ku balafiran gundê Guhersê, navbera gundên Sergelê û Kanê ku li ser rêya sereke ya di navbera Duhok, Amêdiyê, Şeladizê û Dêralokê de ye, her wiha daketina navçeya Amêdiyê bombebaran kir.

Di hersê bomberanan de jî, ziyanek mezin gihîşt mal û milkê welatiyan. Di bombebarana li daketina Amêdiyê de li gel benzînxaneyekê, navenda şebekeya avê jî bû hedef.

Li gorî çavkaniyan ku ew tore avê dide Sergingê, Bamernê, Qedîş û tevahî herêma Amêdiyê. Lê di bombebaranê de ziyanek mezin dîtiye.


Mijarên Din