Navenda Serdemê şanoya "Finasî" pêşkêş kir

Navenda Serdem a Hêzên Xweparastinê ya Herêma Cizîrê şanoya xwe ya "Finasî" li ser dika şanoyê ya Çand û Hunerê ya Mihemed Şêxo ya bajarê Qamişlo, pêşkêş kir.

Bi beşdariya bi dehan şêniyên Qamişlo û hezkiriyê şanoyê, Navenda Serdem a Çand û Hunerê ya girêdayî Hêzên Xweparastinê ya Herêma Cizîrê şanoyek bi navê"Finasî" li ser dikeya navenda Çand û Hunerê ya Mihemed Şêxo ya bajarê Qamişlo, pêşkêş kir. Naveroka şanoyê, der barê girîngiya xweparastinê, pêwîstiya beşdariya tevahî gel di parastin û destkeftiyên xwe de, sekinandina li hember zilm û destpotîzmê, bilindkirina asta têkoşînê û piştgiriya Tebqa ya şoreşgerî de ye.

Nivîskarê şanoya "Finasî" Umer Yûsif e, derhênêr Mihemed Resûl e amadekar Idrîs Şêxmûs e.

Dê sibe roja şemiyê jî heman şano li Qamişlo bê pêşkêşkirin. Piştre li Rêmlan, Girkê Legê, Dêrik û Tirbespiyê werin pêkêşkirin.

(fr)

ANHA


Mijarên Din