`Ocalan rêberê gelên herêmê ye û em ê tecrîdê bişkînin`

Pêkhateyên herêmên Bakur û Rojilatê Sûriyê teqez kirin ku Ocalan rêberê gelên herêmê ye û wiha gotin: “Tecrîda ku lê hatiye ferzkirin qanûnên navdewletî binpê dike. Bêdengiya navdewletî weke rêdayîna Tirkiyê ye da ku siyasetên xwe yên li dijî Ocalan bidomîne.”

Dewleta Tirk ji 27’ê Tîrmeha 2011’an ve tecrîdek girankirî li ser Rêberê Gelê Kurd Abdullah Ocalan dimeşînin. Armanca sereke ya tecrîdê ew e ku rê li ber perspektîfên Ocalan ji bo gelên bindest bigre.

Li ser asta cihanî û herêmên Bakur û Rojhilatê Sûriyê ev binpêkirina Tirkiyê tê şermezarkirin. Şêniya bi navê Şêrîn Şikrî ya ji navçeya Tirbespiyê tecrîda li ser Ocalan hatiye ferzkirin, şermezar kir û got: “Tirkiye hovîntirîn binpêkirinan li ser Ocalan dimeşîne. Wî ji mafê herî xwezayî besît mîna hevdîtinên bi malbat û parêzeran re, mehrûm dike.”

Şêrîn diyar kir ku ev binpêkirin di encama bêdengiya navdewletî û dewletên ku demokrasiyê îdia dikin de, rû didin û wiha domand: "Tirkiye bêdengiya wan weke erêkirinekê dibîne."

‘Fikrê Ocalan li ser erdê pêk tê’

Şêniyê bi navê Şefîq El-Wehb ji pêkhateya Ereb e û li navçeya Tirbespiyê dimîne. El-Wehb diyar kir ku Tirkiye di ferzkirina tecrîdê de negihaşt armancên xwe û wiha got: "Ji ber ku fikrê Ocalan li ser erdê pêk tê."

El-Wehb destnîşan kir ku ji ber siyasetên dewletên mitînger hişyarî pêwîst e, ji ber ku ji berê ve hewl didin tevlheviyê di navbera pêkhateyan de belav bikin. El- Wehb wiha got: “Lê fikrê Ocalan riya xilasiyê ji vê tevliheviyê ye. Ocalan ne tenê rêberê pêkhateyekî ye, ew Rêberê gelên herêmê ye."

Di dawiyê de El-Wehb destnîşan kir ku di pêvajoya heyî de gelên herêmê bi hewcedariya perspektîfên Ocalan in. El- Wehb got: “Em ê tecrîda ku dewleta Tirk li Ocalan ferz dike, bişkînin."

(şx)

ANHA


Mijarên Din