Partiya Pêşerojê ya Sûriyê bi şêniyên Dêrazorê re civiya

Partiya Pêşerojê ya Sûriyê bi meclis, komîn û şêniyên gundê El-Sawa re da ku rêgezên partiyê û geşedanên siyasî yên li herêmê rû didin gotûbêj bike, civiya.

Civînê bi rêzgirtinê dest pê kir, paşê sekreterê Partiya Pêşerojê ya Sûriyê yê Dêrazorê Hanî El-Îfan axivî û ji şêniyan re armancên partiyê û nêrînên wê der heqê çareseriya aloziya Sûriyê de diyar kirin. Hanî El-Îfan bal kişand ser girîngiya beşdariya ciwanan bo jinûveavakirina bajarên ku ji ber kiryarên çeteyên DAIŞ`ê wêran bûn.

Hanî El-Îfan got: “Da ku azara gelên Sûriyê ku di nava şerê domdar de bi dawî bibe, tekane rêya çareseriya aloziya Sûriyê, diyaloga Sûrî-Sûrî ye."

Têkildarî bûyerên şewatê ku bi zeviyên çandiniyê li bejahiya Dêrazorê rû dide, El-Îfan got ev kiryar plankirî ne û dixwazin bi vê yekê tevliheviyê di navbera pêkhateyên herêmê de derxin û wiha pê de çû: "Tu kes nikare hevgirtina nîştimanî û hevgirtina eşîrên herêma me têk bibe."

Endamên Partiya Pêşerojê ya Sûriyê li daxwaz û pêdiviyên şêniyan guhdarî kir.

Hêjayî gotinê ye ku Partiya Pêşerojê ya Sûriyê dê li herêmên bejahiya Dêrazorê gelek civînên wiha li dar bixe.

(eh/kc)

ANHA


Mijarên Din