Parêzerên Ocalan ji bo hevdîtinê careke din serlêdan kirin

Parêzerên rêber Abdullah Ocalan ji bo hevdîtina muwekîlê xwe re careke din serî li Serdozgeriya komarê ya Bûrsayê dan.

Parêzer Raziye Turgut, Serbay Koklu, Rezan Sarica û Îbrahîm Bîlmez ji bo karibin hevdîtinê bi rêber Abdullah Ocalan re pêk bînin, serî li Serdozgeriya Komarê ya Bûrsayê dan.

Ji parêzerên Ocalan, Newroz Ûysal û Rêzan Sarica, piştî 8 salan di 2-22'yê Gulanê, 12-18'ê Hezîranê û 7'ê Tebaxa 2019’an de, li gel miwekîlê xwe 5 caran hevdîtin pêk anîn.

Serdozgeriya Komarê ya Bûrsayê, herî dawî di 23'yê Îlonê de bi hinceta “Nexşerêya” Ocalan a ji Dadgeha Mafê Mirovan a Ewropa (DMME) re şandibû, heya 6 mehan hevdîtina parêzeran qedexe kir.

(cx)


Mijarên Din