PDK çekan sewqî baregehên Tirkiyê dike

Hate îdiakirin ku PDK’ê hinek çekên xwe yên li Fermandariya Dihokê veguhastine baregeha artêşa dewleta Tirk a li Komelgeha Sîrê ya Dihokê. Her wiha hin çeteyên DAIŞ'ê yên li herêma Mexmûrê jî veguhastine baregehên Tirkiyê yên li Behdînan.

Li gorî nûçeya Rojnewsê ku xwe dispêre agahiyên ji çavkaniyên herêmî, ji duh êvarê saet 16.00'an heta îro danê sibehê, Partiya Demokrat a Kurdistanê (PDK) gelek cureyên çekên giran û sivik ên li Fermandariya Dihokê û çend cihên din, sewqî baregeha artêşa Tirk a li Komelgeha Sîrê ya ser bi navçeya Şêladizê ya Dihokê ve kirin.

Tê gotin ku ji depoyên çekan ên li devera Dolemer û herêma Barzan gelek çek û cebilxane sewqî heman baregehê hatin kirin.

Ji aliyekî din ve hate îdiakirin ku şevê din hinek çeteyên DAIŞ'ê ku li çiyayê Qereçox mane û tê gotin ku ji aliyê dewleta Tirk ve hatine perwerdekirin, veguhastine baregehên Tirkiyê yên li Sîrê û Behdînan.


Mijarên Din