PDK'ê zêdeyî 40 qereqol li dirêjahiya sînorê bi Rojava re ava kirin

PDK'ê zêdeyî 40 qereqol li dirêjahiya xeta sînorê bi Rojava re ava kir û alavên leşkerî lê bi cih kirin.

Partiya Demokrat a Kurdistanê (PDK), çekên giran nêzî Deriyê Sînor ê Pêşxabûr a beramberî Deriyê Sînor ê Sêmalkayê bi cih kirin û dest bi avakirina qereqol û nuqteyên leşkerî kir.

Ev gav di demekê de ku artêşa Tirk a dagirker êrişên xwe li ser herêmên Başûrê Kurdistanê û herêma Heftenînê zêde kirine, hate avêtin.

Li gorî çavkaniyan, PDK'ê heta niha derdora 40 qereqol li dirêjahiya xeta sînor a bi Rojava re ji qontarên miqabilî Deriyê Sêmalkayê bigire heta digihêje Pêşxabûrê bi dehan qereqol ava kirin.

Li sêkoşeya sînor (Bakur, Başûr, Rojava) 3 qereqol hatin avakirin, her wiha liv û tevgera leşkerî û bicihkirina çekên giran li herêma Pêşxabûr hate dîtin.

Siyaseta ku PDK'ê li ser sînorê navbera Başûr û Rojavayê Kurdistanê dimeşîne, eynê siyaseta dewleta Tirk a dagirker ku di dîwar û xeneqan di navbera Rojava û Bakurê Kurdistanê lê dike.

ANHA


Mijarên Din