Piştî Almanya, DYA’yê jî Tirkiyê hişyar kir

DYA’yê der barê vekolîna Tirkiyê ya petrol û gazê li peravên giravên Yewnanistanê li herêmêa rojhilatê Deryaya Spî hişyarî da dewleta Tirk.

Li gorî raporên çapemeniyê yên ku agahiyên xwe dispêrin berdevkê Wezareta Karên Derve ya Amerîkayê wiha got: "DYA’yê dizane ku Tirkiyê biryara lêgerînê di ava binakok a li rojhilatê Deryaya Spî de daye."

Berdevk wiha domand: "Divê desthilatên Tirkiyê planên xwe rawestîne û pêngavên ku nakokiyên li herêmê zêde dikin, rawestîne."

Hişyariya Amerîkayê û wezîrê karên derve yê Almanyayê Heiko Maas yek in ku wî jî ji Tirkiyê daxwaza rawestandina vekolîna li petrol û gazê li ava rojhilatê Deryaya Spî kiriye.

Wezîrê almanî di serdana li Atînayê ya duh de wiha got: "Der heqê vekolîna Tirkiyê ya li rojhilatê Deryaya Spî de helwesta me eşkere ye, divê rêzdarî li hember qanûnên navneteweyî hebe. Ji lew re pêşdeçûna di têkiliyên YE û Tirkiyê de dê ne pêkan bin, heta ku Enqere şantajên xwe li rojhilatê Deryaya Spî rawestîne."

(fr)


Mijarên Din