Piştî komkujiya li Til Rifetê Şehbayê reş girê daye

Piştî komkujiya Til Rifetê, Li kantona Şehbayê rengê reş li ser jiyana şêniyan serwer bûye û ji bo şehîdên komkujiyê dikan hatine girtin.

Artîşa Tirk a dagirker tevî çeteyên xwe di 2`yê Kanûnê de, komkujiyek derheqê gelê Efrînê yên bi darê zorê hatine koçber kirin de pêk anî. Di komkujiyê de 10 sivîl şehîd bûn , zêdetirî 12 jî birîndar bûn.

Ji bo şehîdên komkujiyê şîn hat ragihandin. Hemî dikanên li sûkan hatin girtin, rengê reş û bêdengî li her devera kantonê serwer e.

Şêniyê bi navê Ziyad Eymen ê ji pêkhateya erev li kantona Şehbayê, komkujiya ku derheqê sivîlan de li navçeya Til Rifetê pêk hatiye, şermezar kir.

Eymen îşaret pê kir ku gelên Efrîn û Şehbayê yek in û ji zûde hevgirtî ne û wiha got: "Me şîn ragihand û me hemî dikanên li kantonê girtin."

Eymen diyar kir ku dagirkeriya Tirk bi her şêwazî hewl dide ku fitneyê di navbera pêkhateyên Ereb û Kurd de derxîne, bi taybetî jî di navbera gelê Efrîn û Şehbayê de û wiha pê de çû: "Wek şêniyên Şehbayê em van kiriyarên ku bi armanca derbkirina yekitiya gelan tên kirin, red dikin."

Hisên Res Kêlo yê ji şêniyên Efrîn jî wiha got: "Dewleta Tirk em ji Efrînê di 18`ê Adara sala borî de bi darê zorê koçî kantona Şehbayê kirin. Heta niha jî topên artêşa Tirk bi ser me de dibarin û komkujî derheqê me tên kirin."

Hisên Kêlo diyar kir ku piştî hefetyekê ji baranê û rewşa hewyê ya xirab, roj derket û zarokên derketin kolanê û bi hev re lîstin. Lê topên deweta Tirk ji serma zivistanê dijwartir bûn û rehim li zarokan nekirin.

Hisên destnîşan kir ku artêşa Tirk bi hemî cureyên top û çekan wan dike hedef.

Hisên her wiha bêdengiya rêxistinên navdewletî û yên mafên mirovan şermezar kir û got ku ew rê li pêşiya komkujiyên dewleta Tirk a dagirker û çeteyên wê yên terorîst, vedikin.

Zeyndeb Mihemed jî diyar kir ku piştî komkujiyê jiyan li kantona Şehbayê sekinî ye û şîn hatiye ragihandin.

Zeynebê destnîşan kir ku topbarana artêşa Tirk a dagirker û çeteyên wê li ser zarokan, di rêjeya yekemîn de pêşeroja gelên herêmê dike hedef.

ANHA


Mijarên Din