Piştî nakokiya 50 salî du êl li hev hatin

Rûspiyên bajarê Amûdê êlên El-Raad û El-Dêf piştî nakokiya 50 salî li hev anîn.

Her du êlên ji gundê Selman ê navçeya Amûdê ya kantona Qamişloyê li ser doza kuştina endamekî êla El-Raad bi nakok bûn.

Îro rûspiyên êlên bajarê Amûde civîneke lihevanînê li navenda navçeya Amûde bi tevlêbûna rûspiyên êlên Kurd, Ereb û bi dehan şêniyên bajêr li dar xist.

Mihemed El-Raad di destpêka rûniştinê de axivî û spasiya tevahiya beşdarên kir ku hewl da her du êlan li hev bînin û got: “Em El-Raad û El-Dêv ji bav û kalekî de bira ne. Bi navê êla El-Raad ez lêborînê ji êla El-Dêf dixwazim.”

Feysel El-Dêf bi navê êla El-Dêf axivî û got: “Bi saya şêniyên Amûdê em niha li vir in. Feysel rûniştandina têkiliyên biratiya gelan destnîşan kir.”

Piştre Abdulqadir Wete rûspiyê êla El-Deqûrî, Ismaîl El-Raad rûspiyê êla El-Raad û Mihemed Şerîv ê ku rolek di lihevanînê de lîstiye, spasiya her du aliyan kir.

(şx)

ANHA


Mijarên Din