Pêngava "Dest bi dest em welat ava bikin" didome

Şaredariya Gel a bajarê Reqayê bi dirûşmeya "Dest bi dest em welêt ava bikin" di projeya xwe ya xizmetguzeriyê de dewam dike. Şaredarî rêyan zift dike û qirêja li kolanên sereke yên bajêr paqij dike û bajêr ronî dike.

Bi nêzikbûna demsala havînê re, Şaredariya Gel gelek projeyên xizmetguzeriyê dest pê kirin, yên girîng ziftkirina rêyan û paqijkirina kolanên sereke yên bajêr. Di heman demê de pêngava sêyemîn a "Em ê ronî bikin" ku ji beriya sê mehan ve dayê destpêkirin didomîne.

Şaredariyê ziftkirina piraniya rêyên bajêr bi dawî kir. Hejmara rêyên ku hatin ziftkirin zêdetirî 4 rêyên mezin û stratîjîk in, di nav de rêya di navbera Pira Nû heta çerxerêya Cezrayê û dawiya rêya têketina bakurê bajêr bi dirêjiya 22 hezar û 500 metre çargoşe hebû. Paşê dê rêya stasyona Zelalkirina Avê heta rêya herêma otostad a herêma Kesrat a li başûrê bajêr bi dirêjiya 4 hezar û 200 metre çargoşe û ziftkirina rêya Pira Kevn ku rihê sereke yê bajêr e û nuqteya stratîjîk a çûn û hatinê bi dirêjiya hezar û 575 metre çargoşe bêne qîrkirin.

 

Şaredarî ji bo xweşikkirina bajêr jî dixebite. Di vê çarçoveyê de daran bodem (dikesixîne), av dide û derman dike. Dîsa jî nêviyê rêyên kolana Kenîse, Bab Bexdad, kolana Kenîse û Lîstikgeha El-Ewsed sererast kir. Şaredarî rojan e ji bo çerxeriyên bajêr mîna çerxerêya El-Delê, çerxereya Sebi Behrat û çerxereya Sea dixebite.

Ji projeyên girîng ku şaredariyê pêk anîne, projeya ronîkirinê ya di bin dirûşmeya "Em ê ronî bikin" ji zêdetirî 3 mehan dest pê kiriye. Di çaçroveya vê projeyê de deverên ji sûka El-Hal heta çerxerêya Sea ya li bakur û li Îtifayê li rojhilat heta Nexweşxaneya Zarokan hatin ronîkirin.

Pêvajoya duyemîn a vê pêngavê ji Bab Bexdad heta çerxerêya El-Berazî û ya ber bi dibistana Hetîn be. Dema pêkanîna her pêvajoyekê 16 roj be.

Li ser projeya ronîkirinê, endizyar Ebdilrehman Hisên ji ANHA`yê re wiha got: "Piştî serkeftinên pêngava "Em ê ronî bikin, kargehên şaredariyê bi çavdêriya endizyaran û ekîbeke mezin a kar ku ji 7 xebatkarên pispor pêk tê vê projeyê didomînin."

Ebdilrehman da xuyakirin ku  karê wan dewam bike heta ku hemû bajêr ronî bikin.

Der barê ziftkirina rêyan û sererastkirina nêviyên kolnanan de, mûdîrê komîteya xizmetguzeriyê ya Şaredariya Gel a Reqayê Îsa El-Esaf wiha got: "Ji ber rewşa hawayê carê diguherî, em neçar man ku hemû kar biseknandin da ku em baş kar bikin, ji zehmetiyên ku bû sedema derengiya me, xerabûna şebekeyên xetên avê û kanalîzsyonê ye, em niha destpêkê wê sererast dikin da ku paşê kar bikin." El-Esaf diyar kir ku tîma kar ji 30 karkeran pêk tê.

(jo)

ANHA


Mijarên Din