Pompeo: Em bi paytextan re ji bo parastina şêniyên Bakur û Rojhilatê Sûriyê dixebitin

Wezîrê karên derve yê DYA’yê Mike Pompeo got welatê wî bi wezîrên karên derve yên Ewropa û bi paytextên cîhanê re dixebite da ku bergiriyan ji bo parastina şêniyên Bakur û Rojhilatê Sûriyê bigirin. Ev daxuyanî di demekê de hat ku êrîşên dewleta Tirk ên li ser herêmê didomin.

Pompeo di daxuyaniya ku li ser malpera Wezareta Karên Derve ya DYA’yê hat belavkirin de got tîmeke wan li meydana Tirkiyê û herêmê heye.

Pompeo wiha da zanîn: "Em bi paytextan re dixebitin. Ez ê îro piştî nîvro bi Ewropa û wezîrên karên derve yên Ewropayê re biaxivim. Em cîhanê tijî dikin da ku her tiştekî ji bo parastina gelê Kurd li Bakur û Rojhilatê Sûriyê bikin. Em dizanin ku girîng e û dizanin ku rast e em vê yekê bikin. Amerîka dê vê yekê pêk bîne."

(bx)


Mijarên Din