​​​​​​​PYD’ê hedefgirtina hevserokên Nivîsgeha Edaletê şermezar kir

Meclisa Giştî ya PYD’ê sûcê hedefgirtina hevserokên Nivîsgeha Edaletê ya Rêveberiya Xweser a Bakur û Rojhilatê Sûriyê şermezar kir û soza meşa li ser şopa şehîdan da.

Meclisa Giştî ya Partiya Yekitiya Demokratîk (PYD) bi daxuyaniyekê ku li ser malpera xwe ya fermî belav kiriye, hedefgirtina hevserokên Nivîsgeha Edaletê ya Rêveberiya Xweser a Bakur û Rojhilatê Sûriyê, Zeyneb Mihemed û Yilmaz Şero, şermezar kir

Daxuyanî wiha ye:

“Di çarçoveya şerê qirêj ê ku rêjîma Tirk li dijî gelê me yê Kurd bi armanca têkbirina îradeya wî dide meşandin de, balafireke bêmirov a biçek hevseroketên Nivîsgeha Edaletê ya Rêveberiya Xweser a Bakur û Rojhilatê Sûriyê, Zeyneb Mihemed a ku cihê xwe di Meclisa Jinan a PYD’ê de girtibû û Yilmaz Şero li nêzî bajarokê Girkê Legê, hedef girt.

Em ev sûcê hovane şermezar dikin û sersaxiyê ji gelê me û endamên partiyên û malbatên şehîdan re dixwazin. Em soz didin ku li ser şopa şehîdan bin.”

(mh)

ANHA


Mijarên Din