QSD‘ê li Silûkê çeteyekî xeternak girt

Navenda Ragihandinê ya QSD‘ê ragihandin ku hêzên wan li herêma Silûkê terorîstî DAIŞ‘ê yê xeternak girtin.

Navenda Ragihandinê ya Hêzên Sûriyeya Demokratîk (QSD) li ser mijarê daxuyaniyeke nivîskî belav kir û ev agahî parve kir" Hêzên Sûriyeya Demokaratîk bi havkariya Hêzên Koalîsyonê di 13‘ê Gulana 2019‘an de li herêma Silûk a Sûriyeyê operasyoneke sergirtinê pêk anî û terorîstê DAIŞ‘ê Telal Şinêr ‘‘Ebû Hûman‘‘ girt ku berpirsê sûcên kuştinê ye û têkiliyên wî bi mezinên emîrên DAIŞ‘ê re hene. Ev operasyon dê hêza rêxistina DAIŞ‘ê ya domandina kiryarên terorist li Silûk û deverên din ên herêma Firatê bi sînor bike.

Em Hêzên Sûriyeya Demokratîk bi hevkariya hemû pêkhate û rûspiyên civakî em ê ewlehiya herêmên xwe û giştî Sûriyeyê biparêzin."

ANHA


Mijarên Din