Qutkirina daran û revandina sivîlan li Efrînê didome

Artêşa Tirk a dagirker û çeteyên wê, bi dehan darên zeytûnê li navçeyên Efrînê qut kirin. Di heman demê de, sivîl jî ji navçeya Şera revandin.

Çavkaniyên ji navenda bajarê Efrînê ji ajansa me re diyar kir ku artêşa Tirk a dagirker û çeteyên wê bi dehan darên zeytûnê li navçeyên Raco, Cindirêsê û Mabata qut kirin.

Heman çavkaniyan got darên ku hatine qutkirin, temenê wan vedigere zêdetirî 70 salan û kesên ku darên wan hatine qutkirin, ev in: Cefer Mustefa, Fethî Cûdî Elî û Ismet Cefer.

Ji aliyekî din ve jî, çeteyên artêşa Tirk a dagirker 2 sivîl ji gundê Naza yê navçeya Şera revandin û birin cihekî nediyar ku heta niha çarenûsa wan ne diyar e.

Welatiyên ku hatine revandin ev in: Mihemed Ebdo El0 (50) û Mihemed Zekeriya (47).

(kc)

ANHA


Mijarên Din