Rejîma Sûriyê rê nade ku şewata li Qamişlo were vemirandin

Zerevanên balafirgeha bajarê Qamişlo yên rejîma Sûriyê bi hinceta parastina balafirgehê rê neda ku tîmên vemirandina agir, şewata li zeviyên çandiniyê yên şêniyan vemirînin.

Îro Duşemê agir bi zeviyên çandiniyê yên li başûr rojavayê bajarê Qamişlo ket. Ji ber ba şewat befireh bû.  Tîmên vemirandina agir û şêniyan ji bo vemirandinê bi lez berî dan cihê şewatê.

Zerevanên balafirgeha Qamişlo bi hinceta parastina balafirgehê rê nedan ku şewat were vemirandin. Ji ber vê yekê şewat berfireh bû û gihiştin hin malan û mala welatiyekî şewitî.

Li gorî çavkaniyan, Hêzên rejîma Sûriyê hefteya borî erebeyeke vemirandina agir a Şaredariya Qamişlo ku şewata li başûrê rojavayê bajêr vedimirand, bir.

ANHA


Mijarên Din